Di ari-arina, marguru do halakon akka ilmu hadatuon dohot akka tabas-tabas.. Ba udutna, tarsiar ma hajagoon ni halakon tu luat na ualu. Tarlumobi Datu Bira, tung somattak jagona.. dang adong dope na boi pataluhon. Martabas nang marmossak pe..
Boru Sinaga Ratus
Di tikki i, tarsiar do tong hauliaon ni sada anak boru, ima boru Sinaga Ratus. Mancai godang do sidoli marholong ni roha jala marsihojot mandapothon rohana. Alai tung pe songoni, sian sude doli-doli na mangaririt boru sinaga on, tu DB do solhot rohana jala dipillit ibana laho gabe dongan mandaori ngolu-ngoluna. Saut ma mangoli DB dohot boru Sinaga Ratus on.
Hape, adong ma sahalak marga Simbolon na tong targila-gila tu boru Sinaga Ratus on tung pe di tikki i nungga mardenggan daging inang boru Sinaga Ratus on.. Sude do diulahon laho mandapot inang on, alai tung so tolapsa.. ai talu do torus molo marlaga hadatuon manang marmossak ibana dohot DB. Udut ni i, ba sai disangahon Simbolon on do mangalului tung aha do kelemahan ni Datu Bira on asa boi dipatalu.
Marakkal ma Simbolon on, dijujui ma sada boru nasida on asa olo muli tu DG (*Adik Datu Bira). Tujuanna Laho mangalului aha do kelemahan ni Datu Bira on.. Ai na marhaha maranggi biasa do marsibotoan rahasia.. ai saparguruan muse do halakon natolu..
Gabe ma mangoli si DG dohot boru Simbolon, dipadalan ma rencana ni Simbolon i laho mandapothon kelemahan ni si DB on. Dung marpiga tikki nasida marsaripe, bah udutna, dapot boru simbolon on ma aha kelemahan ni DB on sian DG (*Boru simbolon membujuk rayu DG agar membuka rahasia abangnya).
Sitarguitna, ba ikkon mangalang Dekke Naga Talam do DB on asa unang mago sude hadatoun dohot angka hasaktian na diajarhon guru nasida. Ba tibu ma dipaboa boru simbolon ma attong tu akka ibotona Simbolon on.. jala dibahen nasida ma rencana tikki i rencana marjahat..
Boan Solomanku.
Di sada tingki ninna Datu Bira ma tu boru Sinaga Ratus on.. “inang, ari onan anon unang lupa ho mamboan solomanku da.. dekke Naga Talam i“.
“Olo amang huboan pe“, ninna boru sinaga ratus mangalusi.
Tingki I , nungga sorang inang on… nungga magodang ianakkon nasida, ima na margoar Sakkar Toba
Hape di namaronan inang on bah.. job sude dekke on.. dang adong be na manggadis..
Nunga sude partiga-tiga diadangi alai dang adong.. Attong Minggu na ro mai ninna rohana.. Mulak ma ibana tu jabu.
Dijabu, didok inang on ma tu Datu Bira na habis dekke-i di onan..
Ninna Datu Bira, “Ba attong.. minggu na ro unang lupa ho da inang.. boan solomanki..”
“Olo amang“, ninna inang i mangalusi.
Minggu na ro nai.. laho ma inang on muse maronan.. dilului ma dekke i.. hape tong sodapot……!
Suang songoni tu minggu patoluhon…
Hape naung jumolo do Simbolon on manuhori sude dekke-i nasa na adong di onan i.. asa unang dapotan boru Sinaga Ratus on..
Ba di minggu patoluhon.., mangamuk ma Datu Bira on..
Ninna ma tu boru Sinaga on.., “Anggo ho.. ikkon seaton-ku do ho.. Boha do nungga tolu minggu dang nara olo ho mamboan solomanku.. Namargabus doho…”
Dialusi inang on.., “Sala ma au disi.. ndada margabus ahu, dekke i do nasoada. Alai unang pola seat ahu.. paulak ma ahu tu damang dainang”.
Ba udutna di napaulakhon inang i tu jabu ni amangna, didok DB ma tu inang boru Sinaga Ratus, “Anggo ahu mate nama ahu.. mulak maho tu jabu ni amatta, alai huihuthon pe ho sian pudi.. Patorang ma sude tu Amatta aha na masa..“.
Tikki dipajojor boru Sinaga Ratus sude aha na masa jala disaksihon akka ibotona, ba tarsonggot ma halahi jala siap do halaki pataruhon sude laho mangurupi laena, DB.
(*iboto boru Sinaga Ratus secara sukarela siap mempertaruhkan nyawa untuk melindungi dan mendukung lae mereka, DB) Sude pakkataion nasida dibege DB do sian pudi ni pittu. Dukkon i, dituktuk ibana ma pittu jala masuk ma DB tu jabu..
Tu simatuana ninna Datu Bira ma, “Amang.. anggo hu hilala mate na ma au.. Dang leleng be tikki ku.. Ai hudok do boanon ni borumuna solomanku, nungga lobi tolu minggu dang na gira diboan.. Mate na ma au..”
Parmate ni Datu Bira.
Adong ma tikki i pesta na bolon di huta ni sinaga.. Diundang ma sude jolma.. Dilehon ma halakon sude mangan natabo dohot minum tuak natonggi…..!
Rencana na lima ari lima borngin ma ulaon on..
Diari paduahon lam rame.. di ari patoluhon lam rame… di tikki on ma ro Datu Bira tu ulaon i.
Ala nungga disi be Datu Bira on borngin na i.. bah.. dipasang akka parjahat ma (mungkin marga simbolon manang hatoban ni marga simbolon) mare-mare ditangan na (dipargolang).
Ba udutna.. borngin i ba dipamittop ma sude (pembunuhan massal) na sa jolma naso martanda. termasuk ma disi Datu Bira.. hona jellek (hona tullang) do ibana..
Alai boha ma akka datu… maol do mate.. adong do siarat na asa boi mate.. sanga dope Datu Bira on mandapothon anggina, DM. (*Cerita terbunuhnya DB ini masih kurang akurat)
Parjanjian Datu Bira - Datu Mangambe
Ba di sekarat Datu Bira on.. mangalilu ma ibana laho manjumpangi Datu Mangambe..
Disi jumpang, dibaen halaki ma parpadanan..
Datu Bira : “Anggia… tu ho ma hupasahat anak ta on (Sakkar Toba), pagodang-godang ma.. anakku do anakmu, anakmu do anakku.. Tung soboi ho mangoli saleleng so “tang” anak ta on..”
Datu Mangambe : “Ba Olo haha.. hu ulahon pe..”
Dungi.. dipasidung Datu Mangambe on ma siarat na.. monding ma Datu Bira on…
Lari ma Datu Mangambe, diboan do Sakkar Toba donganna tu dataran (*Tapanuli / sepertinya huta Silaban) ala nungga dilele-lele simbolon halakon laho pamatehon.
(*Sampai disini, nasib dan status Boru Sinaga Ratus tidak diketahui lagi.. Apakah ikut terbunuh pada ulaon itu, atau direbut oleh Simbolon, tidak ada kejelasan)
Dan pada saat itu DG dikutuk..
(*apakah Datu Bira atau Datu Mangambe yang mengutuk kurang jelas..!, satu versi menyatakan, Datu Bira yang mengutuk pada saat dia sekarat, versi yang lain… Datu Mangambe yang mengutuk pada saat mereka dikejar-kejar pasukan Simbolon. Bunyi kutukannya, “na so jadi lobi sian 30 Rumah tangga keturunan DG”. Jika ada yang terlahir maka akan ada yang meninggal..
Inilah yang menjadi alasan kenapa keturunan DG sangat sedikit…
Namun katanya, kutukan ini hanya berlaku di daerah Tipang – Bakkara, dimana di daerah tersebut pada akhirnya DG melanjutkan sisa hidupnya karena merasa bersalah telah membuat abangnya terbunuh dan diburu.)
Mangaranto Sakkar Toba
Dipagodang Datu Mangambe ma Sakkar Toba.. Dung hira “tang” (*akil baligh) di ida Datu Mangambe Sakkar Toba on, ba makkatai ma nasida..
Datu Mangambe : “Songonon do amang.. najolo adong do padanhu tu haha, amang mu.. na asa mangoli ahu molo nungga tang ho.. Ba saonari pe.. nungga mancai godang diparguruhonko.. nungga tikki na be hu hilala laho manguji majo nabinotom.. laho majolo ho tu tombak an.. Unang mulak ho saleleng so “tang” dope ho… Alai paenteonku doho dison asa pos rohakku..”
Dialusi Sakar Toba, “Ba molo nungga songoni sakkap ni Amang, hu ulahon pe..”
Borhat ma Sakar Toba tu tombak tu luat naasing lao manguji parbinotoanna…
Parpadanan dohot Hutabarat
Di namangaranto Sakar Toba on.. sahat ma ibana di sada huta (*Tidak jelasnama kampungnya, mungkin didaerah tarutung, karena cerita ini berhubungan dohot hutabarat dan disanalah konsentrasi marga Hutabarat).
Jumpang ibana ma disada dolok-dolok adong boru-boru namardenggan daging tangis jala holsoan. Dijonoki Sakar Toba ma.. “Inang.. aha do na masa. Boasa sai tumatangis hamu ?”
Dialusi inang on ma.. “imada amang.. tudia ma iba laho.. mardenggan daging iba nei.. alai ndada adong be dongan patorushon ngolu-ngolu.. ai nungga diallang Aili amantakku (*Suaminya marga Hutabarat)”
Sakar Toba : “Bah.. aili aha i..? Boha molo hutakkup jala hubunu aili i ?” (*dalam pemikirannya, dia ingin menguji kesaktiannya)
Marpikkir ma inanta on ninna ma ”bah molo songoni boan ma ahu manang tudia ho laho…”
Sakar Toba : “Nadenggan.. alai jou majolo sude akka dongan tubum dohot dongan tubu ni amanta i.. anggo holan ho do na mandok dang huparhatutu i..”
Ba udutna, laho ma inang on paboahon tu akka marga Hutabarat.. marrapot ma halaki leleng jala disetujui ma rencana na on..
Di jou ma Sakar Toba didok Hutabarat ma dijolo ni loloan natorop “nadenggan mai.. aha ma sibahenon nami laho mangurupi hamu….?”
Ba dijalo Sakar Toba ma tikkini i Hujur (*tombak)
Laho ma Sakar Toba tu tombak mangalului aili i.. hape disi di ida aili on.. bah… balga situtu jala jongir… Nungga maup ninna rohana.. Alai diparsiajari Sakar Toba on ma haroa pangalaho ni aili on na olo ibana maridi di sada inganan..
Dibaen ibana ma passa-passa dompak tambok i dipaima ibana ma di ginjang…
Ba di sada tikki ro ma tutu aili on laho maridi..
Di peakkon ma ratte ni aili on di pinggir, maridi ma aili on mangukkor..
Ba pittor sigop ma atting di hail Sakar Toba on ma sian ginjang ni passa-passa on ratte ni aili i.. Ai i do pusakko hagogoon ni aili on… Disi mullop aili on tuginjang ba pittor dialo Sakar Toba on ma aili on marmossak.. ba udutna, di hujur si Sakar Toba ma aili on sampe mittop.. Asa adong partandana, diseat Sakar Toba on ma opat-sa pat ni aili on jala dilanja ma tu huta ni Hutabarat on..
Tarsonggot situtu jala las roha ni Hutabarat dohot inantai marnida Sakar Toba on ro..
Alai.. dang porsea situtu dope halaki… ba laho ma halaki sude mandapothon bangke ni aili i..
Dilapa halaki ma butuha ni aili on.. dapot ma sian boltok na i sada tintin (*cincin)..
Tumatangis ma inang on marnida tintin i.. ai ido tintin ni amatta na i..
Ba udut ni i… ba dipasautma Sakar Toba dohot inanta i gabe marripe..
Jala disi ma dibahen ma parpadanan Silaban Sitio tu Hutabarat.. tung naso jadi marsibuatan ala sada ina do nasida..
Jala huhut dibagi ma tikki i pusakko.. ratte ni aili, dilehon ma i tu huta barat, ruttam (*taring) ni aili dohot hujur dilehon mai tu Sakar Toba (*Pusaka Taring Babi Hutan merupakan pusaka yang lain daripada yang lain, karena ia lebih bersifat sebagai pusaka kharisma / pitonggam, bukan pusaka kesaktian/kekuatan. Semua keturunan Sakkar Toba mewarisi pitonggam tersebut)
Ba tinggal ma Sakar Toba di huta i, jala tubu ma dua nai ianakkon na sian inang i, ima Martiang Omas dohot Tuan Sampulu..
Tikki nungga attar magodang halakon… diboan Sakar Toba ma keluarga na on.. mulak tu huta.. manopot uda na, Datu Mangambe, laho paganuphon padan nasida.
Marpesta Bolon
Disi mulak Sakar Toba, on.. dung disuhuthon Sakar Toba sude pardalanonna..
Tarsonggot situtu do Datu Mangambe.. Ninna ma, “aga iamang tahe… hebat do ho bah appara… hurippu holan tang ho mulak.. hape dohot diboanho rodi pahompu..”
Mancai las situtu roha ni Datu Mangambe on ai nungga sikkop padan na.. di bahen ma sada pesta nabolon…
(*Ketika itu Sakar Toba datang membawa tiga anak.. anak pertama dari Hutabarat, anak kedua Martiang Omas dan anak ketiga Tuan Sampulu.., tidak diketahui siapa nama Anak pertama dan apakah ia masuk tarombo Hutabarat / Silaban juga belum jelas)
Mangoli ma Datu Mangambe…
Kesimpulan
Dari hal diatas sebenarnya terjawab sudah..
Bahwa pada saat DM menikah pun umurnya sudah agak uzur..
Pada saat ia menikah, telah terdapat perbedaan 2 nomor.. (DM dengan Martiang Omas & Tuan Sampulu)
Selanjutnya, hal ini pun menjawab pertanyaan, knp istri DM sampai 4…
Bukan lain karena ia sebenarnya ingin mengejar ketertinggalan itu…
(*DM menikah sampai 4 kali {1. Br. Anturi, 2. Br. Nainggolan, 3. Br. Manurung, 4. Br. Manjuntak} namun ada juga yang menyatakan bahwa Datu Mangambe menikah 6 kali {+ Boru Sihite + Boru Simanjuntak} )
Bahkan ketika ia menikahi istri termudanya.. Martiang Omas dan Tuan Sampulu juga turut menikah (menikah muda)
Tak lama kemudian, Martiang Omas dan Tuan Sampulu-pun mempunyai keturunan. Pada momen ini, Datu Mangambe sudah mempunyai cicit (Nini-Nono), bedanya terpaut 3 nomor..
Untuk DG sendiri sepertinya masih sedikit keturunannya..
Namun bukan berarti hingga kini DB-DM msh memusuhi DG.
Keturunan DG konon sudah pernah meminta maaf secara adat resmi dalam suatu ulaon khusus yang dipestakan secara besar-besaran…
Dan pada peresmian pemugaran Tugu Datu Bira yang baru lalu, turunan DG juga sudah diundang dan turut hadir meramaikan pesta. silaban.net
No comments:
Post a Comment