UMPASA PODA NI NATUA-TUA.

MYCULTURED

Poda do sibahen na sursuran;
Roha do sibahen dao ni partuturan.

Habang pidong pua manjoloani sidaodao,
Sai mangunsisi do nasa tua sian jolma na so marpaho,
Sipalea natuatua na so umboto adat marbao.

Tinaba hau toras bahen sopo tu balian,
Na pantun marnatoras ingkon dapotan parsaulian,
Alai na tois marnatoras, olo ma i gomahon ni babiat.

Hotang binebe nebe ma ninna hotang pulogos
Ai unang hamu mandele ai godang do tudos tudos

Asa tano porsea ma hatubuan ni marga manurung
Alai molo porsea hita tu Debata dapot ma hita dame na sumurung

Asa tano porsea ma hatubuan ni marga manurung
Molo dang porsea hita tu amanta Debata saut ma hita maung aung

Pagulut lali tu asar ni tabuan
Ai unang hamu pagulut dohot marsalisih ala ni sidabuan

Masiamin-aminan songon lampak ni gaol, masitungkol-tungkolan songon suhat di robean

Ingkon sada songon daion aek, unang mardua songon daion tuak.

• Tillo Tillo
• Unang Alani Arta
• Uju Dingolu Hon Ma Nian
• Aek Sibundong
• Tudos Tu Bulung Motung
• Taridem Idem
• Aut Boi Ilu Makkatai
• Ala Tipang