MYCULTURED
Toga Simamora mambuat boru ni si Raja Lontung. Jadi tingkos do songon hata ni natua-tua na mandok : “Lontung si sia sada ina, pasia boruna Sihombing Simamora”. Ianggo di partubu Simamora do sihahaan sian Sihombing anak ni Toga Sumban, alai gabe Sihombing sihahaan sian parparibanon.Ia huta mula-mula ni Toga Simamora di Hutatinggi Simamora na bolak Humbang. Sian ima marserak pinompar ni Toga Simamora.
Opat do anak ni Toga Simamora ima :
1. Toga Purba
2. Toga Manalu
3. Toga Debataraja
4. Toga Sumerham (Rambe)
Sian pinompar ni Toga Purba, Toga Manalu, dohot Toga Debataraja, laho do manombang parjolo tu tano Sipagabu Margu. Di Sipagabu Margu dipungka Ompui ma homban. Adong do homban i sahat tu nuaeng nadigoari Homban Simamora. Sian Sipagabu marserak do pinompar ni ompu natolu i. Adong ma i dompak Dolok Sanggul, tu Bakara dohot tu Tipang.
Di Bakara adong do lunggu ni Toga Simamora ima Huria Simamora manang digoari Bariba Horbo Toga Simamora. Molo ulaon Horja di Bakara onom do ompu na ojak, jala digoari Sionom Ompu, i ma : Toga Bakara, Toga Sihite, Toga Sinambela, Toga Simanullang, Toga Marbun, Toga Simamora. Di Bakara adong do Homban ni Toga Simamora di Silangkubuk Sionggang.
Di negeri Tipang na digoari tano Si-Ualu Ompu, termasuk do goar ni Simamora, tambani i muse adong do pulo di tao ni Tipang, pulo ni Toga Simamora ima : PULO SIMAMORA.
Ianggo anak ni Toga Simamora siampudani (Sumerham) laho do manombang sian Sipagabu dompak Pakkat (Barus), laos tinggal ma di Rambe.
Tolu do anak ni Sumerham ima : Purba, Manalu dohot Debataraja. Goar natolu i ma mambuat goar ni hahani Sumerham. Ima alana umbahen na marmarga Purba Rambe, Manalu Rambe, Debataraja Rambe angka donganta na di bagian Pakkat.
Source : togapurba.wordpress
bah..na boha do??
ReplyDeletena huboto,molo di silsilah ni toga simamora,holan 3 marga do..dang adong dibaen toga sumerham..
tolong dipatakkas jo ba..